SPACE RACE (BBC, 2005)

TV-serie (4 x 60 minuttar) som dekkar romfartshistoria frå 1944 til 1969.

Dei to hovudpersonane i filmserien er rakettkonstruktørar: russaren Sergei Koroljov og den tyskfødde amerikanaren Werner Von Braun. Begge hadde ein draum om at mennesket ein dag skulle kunna reisa i verdsrommet. Men for å realisera visjonane sine, måtte dei spela på lag med dei herskande politiske regima, som fyrst og framst tenkte kva militær nytteverdi rakettane kunne ha. Serien viser romkappløpet mellom supermaktene som ein kamp mellom desse to geniale ingeniørane. Den heimlege kampen dei måtte føra mot politikarar, byråkratar og misunnelege konkurrentar kjem også tydeleg fram.

Romkappløpet var ein stadig kamp om rekordar: Fyrste sattellitt i bane rundt jorda, fyrste levande vesen i rommet, fyrste menneske, fyrste kvinne, fyrste romvandring, lengste romferd. Og endeleg det største trofeet av alle: fyrste mann på månen. Det var eit drama, der konkurrentane fylgde kvarandre til målstreken. Dei menneskelege og samfunnsøkonomiske kostnadene var enorme, men det var også gevinsten.

Norsk tekst